BANCAK – DHOYOK
Bancak : Dhoyok, Dhoyok! Njanur gunung, kadingaren anggonmu sowan teka rada
kawanen.
Dhoyok: Hem, Kyai! Jenang sela, wader kalen sesondheran. Apuranta,
yen wonten
lepat kawula.
B. : Iya, Dhoyok, bada-bada wis benere
padha apura-ingapura.
Dh. : Hem! Hulun caos atur, kyai.
B. : Arep kotibakake gendhing Montro,
Dhoyok?
Dh. : Hem, ora. Menyan seta, setane
argula sasra. Ketiwasan, wartane kurang
prayoga, Kyai.
B. : Elo! Babal bunder manglung kali.
Ana kabar apa, Dhoyok?
Apa anakmu omahmu kebanjiran?
Dh. : Ora, Kyai.
B. : Keplindhes sepur?
Dh. : Ora, Kyai.
B. : Dom jala, Mbok coba, kandhakna
sing terang!
Dh. : Hem! Aku mentas dadi anake wong akeh akeh, Kyai.
B. : O, genahe kowe kuwi mentas rabi
maneh, Dhoyok?
Dh. : Ora, kyai. Bremara wismeng
bantala, kyai. Dak matur, nanging kelor wana,
Aja Eru (serik atine), Kyai.
B. : Ora, Dhoyok.
Dh. : Hem, Kyai! Mau esuk kesuwen
olehku ongkang-ongkang, pacitane jadah-jenang.
B. : Ongkang-ongkang kathik nganggo
pacitan barang.
Dh. : Sing ongkang-ongkang lambeku,
Kyai.
B. : O, wedangan, Dhoyok.
Dh. : Iya, Kyai.
B. : Mina galak neng samodra. Bacutna
Dhoyok, kandhamu!
Dh. : Iya, Kyai. Sarehne wis awan,
dhuwet alit rerentengan. Sowanku mlayu-mlayu,
Kyai. Tujune ana becak.
B. : E, kowe duwe samben, Dhoyok?
Dh. : Ora, Kyai. Aku ora mbecak.
Nunggang becak, Kyai.
B. : Wah! Saiba anggonmu
ngedhangkrang. Teruse kepriye, Dhoyok?
Dh. : Ya kuwi, Kyai! Bareng tekan
ngarep pasar, becake rangkulan karo kancane.
Pring dhempet, tanpa kandha-kandha,
aku diutahake: glogok.
B. : O, memelas! Kowe tiba, Dhoyok?
Dh. : Hem, Kyai! Aku meh nyungkemi Ibu
Pretiwi. Wong sapirang-pirang, petis
manis, ngucap bebarengan: “Anakku,
ngger!”
(Padmosoekotjo, 1988 : 23 – 24)
Wangsalan ingkang wonten ing
pacelathon Bancak – Dhoyok :
Njanur gunung = kadingaren
Jenang sela (injet = apu) = apuranta
Wader kalen sesondheran (sepat), yen
wonten lepat kawula
Menyan seta (tawas) = ketiwasan
Setane argula sasra (kembang mawar) =
wartane kurang prayoga
Babal bunder manglung kali (Lo) = Elo
Dom jala = coba
Bremara wismeng bantala (tawon kang
manggon ing lemah = tawon tutur) = Dak matur
Kelor wana = wit weru = aja eru (aja
serik)
WANGSALAN
Wangsalan yaiku unen-unen kang surasane memper(kaya) cangkriman,
nanging batangane wis disebutake pisan sanajan mung sinandi(ora diblakakake)
Tuladha:
Roning
mlinjo, sampun sayah nyuwun ngaso.
Roning
mlinjo: godhong mlinjo=so;ngaso
Jenang
gula ya ndhuk, kowe aja lali.
Jenang
gula: glali(lali)
Njanur
gunung mas, kadingaren malem minggu dolan mrene!
Janur
gunung: aren(kadingaren)
Jenang
sela, wader kalen sesondheran. Apuranta, yen wonten lepat kawula.
Jenang
sela(watu): apu(apuranta)
Wah mbok
ora ngeyong kali, ngece. Ngeyong kali (ece)
Lagi
nggodhong gedhang garing(klaras) kang. Lagi nglaras wedangan nasgithel sinambi
ngrungokake campursari.
Kethek
putih(Anoman), wong anom aja wedi kangelan.
Yen lagi
ana wong tuwa ngendikan kuwi aja nglemah bengkah(tela) mundhak saru, senengane
nyela-nyela.
Wangsalan sinawung ing tembang
PANGKUR
Jirak pindha munggwing wana,
Sayeng kaga, we rekta kang muroni,
Nyenyambi kalaning nganggur,
Wastra tumrap mustaka,
Pangikete wangsalan kang sekar
pangkur,
Baon saben ing nawala kinarya langen
pribadi.
Jirak pindha munggwing wana: kesambi
Sayeng kaga:kala
We rekta kang muroni: anggur
Wastra tumrap mustaka: iket
Baon sabin ing nawala: karya
Wangsalan Ing Pacelathon
Pacelathon 1
Ajeng : lha kok njanur gunung kuwe
tekan kene ?
Arip : mau seko ngeterke adikku
latihan, mampir sisan
Ajeng : oalah, adikmu latuhan opo ?
Arip : latihan gamelan ing sekolahanne
Pacelathon 2
Ridho : ono opo yu kuwe tekan kene ?
Ayu : aku mung pengen nggentha dara
kuwe
Ridho : hah ? Opo kuwi tegese nggentha
dara ?
Ayu : mosok kuwe ora reti ? Iku lo,
aku mung pengen nyawang kuwe
Ridho : oalah, kuwe kangen yo karo aku
? Haha
Ayu : ih, ogah ya do !!
Pacelathon 3
Parno : seko ngendi wae to kuwe kuwi ?
Anake : saking main ps pak
Parno : dienteni kawit mau ora
bali-bali
Anake : kulo nyuwun sewu pak, wonten
nopo pak ?
Parno : sing ngenteni nganti nyaron
bumbung ngenge
Pacelathon 4
Sugeng : ijek ileng karo aku rak jeng
?
Ajeng : aku pernah nyawang kuwe ? Sopo
ya ?
Sugeng : aku kancamu TK biyen,
kelingan rak ?
Ajeng : oalah, Sugeng aku dadi mandhan
rawa karo kuwe
Pacelathon 5
Sujiwo : mbak nek antri sing rapi mbak
Ani : mriku sinten ? Kulo mbonten
kenal
Sujiwo : yo maksute ojo nglemah
bengkah mbak
Ani : inggih pak, kulo nyuwun sewu pak
sumber:
Tidak ada komentar:
Posting Komentar