UNIT 2
Standart Kompetensi:
ü Mampu mebaca dalam hati dan memahami isi
bacaan baik sastra maupun non sastra.
Kompetensi Dasar:
ü Membaca dalam hati teks bacaan satra,
misalnya: cerpen, cerita rakyat, dan sebaginya.
Tujuan Pembelajaran:
ü Menjawab pertanyaan baik secara lisan/
tertulis.
ü Menyebutkan tokoh-tokoh cerita
ü Menuliskan ringkasan isi cerita/bacaan
ü Menceritakan kembali isi bacaan dengan bahasa
sehari-hari atau ragam lain misalnya, krama ngoko
ü Menyebutkan dan menjelaskan nilai-nilai luhur
yang terkandung dalam bacaan.
Materi Pokok:
ü Teks bacaan sastra cerita rakyat.
I.
MACA
Cerita rakyat yaiku cerita kang asale saka masyarakat lan
ngrembaka ana ning satengahing masyarakat kang bisa awujud lisan lan tulisan.
Jinising cerita
rakyat yaiku:
1.
Dongeng,
kang awujud
a.
Fabel
yaiku dongeng utawa cerita kang paragane kewan
b.
Mite
yaiku dongeng utawa cerita kang nyritaake bab alaming lelembut
c.
Sage
yaiku dongeng utawa cerita kang nyritaake lelakon utawa parjuangane para
pahlawan
d.
Legendha
yaiku dongeng utawa cerita kang nyritaake asal-usul papan panggonan.
2.
Geguritan
3.
Gancaran
( prosa ).
Wacan ing ngisor iki wacanen batin!
SEJARAHE SUMPAH PEMUDA
Saben tanggal 28 Oktokber bangsa Indonesia padha mengeti
dina Sumpah Pemuda. Kadadean kasebut dipengeti saben taun. Amarga lelakon mau dadi daya kekuwatan kanggo nggugah rasa
semangat lan tekade bangsa Indonesia anggone bisa uwal saka regemane kaum
penjajah.
Ing sakawit bangsa Walanda tekane ana ing
bumi Indonesia iku mung arep
dagang. Gegandhengan nyumurupi kemakmurane negara Indonesia banjur tuwuh karepe
kepengin nguwasani. Kabeh kekarepane mau banjur dileksanakake kanthi cara-cara
kang kasar lan julig banget. Wekasane bangsa Walanda bisa nguwasani bumi
Nuswantara sakisine nganti telung atus seket taun lawase.
Ana sawetara priyayi kang ngendika, manawa
kalahe bangsa Indonesia dhek rikala nglawan Walanda amarga gegamane kalah
modern. Bab iku mujudake sawijining alesan sing kurang trep utawa kurang
gumathok. Coba saiki kita priksani Perang Diponegoro. Pangeran Diponegoro
anggone nglawan penjajah Walanda nganti limang taun suwene yaiku taun 1825 –
1830. Ing samengko kita bandingake karo Perang Dunia I kang suwene mung patang
taun lawase yaiku taun 1914 – 1918.
Kanthi mangkono Perang Diponegoro bisa kanggo
bukti manawa kekuwatan rakyat sing nyawiji dadi sawijining kekuwatan sing
ampuh, ora gampang dikalahake. Bukti liyane maneh yaiku rikala perang
kamardikan kabeh rakyat Indonesia anggolongake tekad nyawiji ngusir penjajah
Walanda saka bumi Indonesia. Dadi cekak aose kalahe bangsa Indonesia anggone
nglawan penjajah iku amarga ora ana persatuan lan kesatuan antarane bangsa
Indonesia dhewe.
Gegandhengan bukti-bukti kang wis nyata
manawa persatuan lan kesatuan iku mujudake gegaman kang ampuh, pemudha-pemudha
kang wektu iku isih asipat kesukuan lan kedhaerahan padha nganakake konggres.
Konggres Pemudha sing kapisan yaiku tanggal 2 Mei 1926. Dene Konggres Pemudha
sing kapindho tanggal 28 Oktober 1928. Ana ing Konggres Pemuda sing Kapindho
iku organisasi-organisasi kepemudaan kaya ta Yong Java, Yong Sumatra, Yong
Selebes, Yong Ambon padha nyawiji ngikrarake persatuan Indonesia. Dene ikrar
kasebut kanthi jeneng Sumpah Pemuda.
(Djarot Heru Santosa, 2008:73)
Pitakonan!
Apa tegese tembung-tembung kang magepokan
karo wacan ing nduwur!
Uwal :
Regemane :
julig:licik :
modern :
gumathok :
nyawiji :
cekak aose :
asipat kesukuan :
konggres :
ikrar: janji :
sakawit:wiwitane :
nyumurupi:
Wangsulana pitakonan ing ngisor kanthi ganep
lan migunakake basa krama kang trep!
1.
Saben
tanggal pira bangsa Indonesia mengeti dina Sumpah Pemuda?
2.
Apa
tujuan sakawit bangsa Walanda teka ana ing Indonesia?
3.
Apa
sebabe bangsa Walanda kepengin nguwasani Indonesia?
4.
Wenehana
tuladha cara-cara julig lan kasar bangsa Walanda kanggo nguwasani Indonesia!
5.
Apa
sebabe bangsa Indonesia kalah mungsuh kaum penjajah?
6.
Wenehana
bukti manawa kekuwatan rakyat kang nyawiji dadi kekuwatan kang ampuh kanggo
ngadhepi penjajah!
7.
Kapan Konggres Pemuda Kapisan diadani?
8.
Kapan
Konggres Pemuda Kapindho diadani?
9.
Sebutna organisasi pemudha kang padha melu
konggres ing Konggres Pemudha Kapindho!
10. Sebutna isi ikrar Sumpah Pemudha !
Tidak ada komentar:
Posting Komentar