Cerkak
Garise
Gusti
Dhek
wayah sumurupe ratri, Bu Rohdiyah anggone mlaku tansah kesusu setengah
mlayu,
jarikke dicincing dhuwure sadengkul kaya-kaya ben wis ora ana maneh sing
nyrimpet lakune. Ambegane ngos-ngosan pasuryane katon binggung,
kaya-kaya ana
sing kudu dirampungi saiki. “Juk... Juki... juk” swarane cepet-cepet
trengginas, gawe turune Juki sing lagi angles banget dadi tangi. Karo
mripat
isih ndluyup, Juki nyeret sandal banjur menyang lawang ngarep, “sapa si
bengi-bengi kaya iki kok ngundang-undang?” micarane ing jero ati. “Oo Bu
Rohdiyah, wonten menapa bu?” Dasar bocah duwe tata krama sapa wae mesthi
diajeni.
Ora kejaba Bu Rohdian randha tua sing durung ilang ayune wis duwe anak
siji
wedhok ayu temenan sing wis dianggep Juki kayak simbok kelorone. “le...
tulunga
awakku, sajake Siti kae wis arep lahiran mbok tulung terke ana ing
Bidan,
menawa dudu kowe le.. sapa maneh sing tak jaluki sambat?” “Ooo nggih bu
mangga
kula dherekaken sekedhap nggih bu, kula badhe gantos rumiyin” “iya...
iya juk
tak enteni aja suwi-suwi ya.” Ya pancen Juki kuwi salah sijine tangga
sing
paling cedhak karo Bu Rohdiyah.
Kahanan
bengi kuwi udan riwis-riwis hawane asrep banget. Sak wetara jam rolas
wengi
Siti, karo Juki wis tekan ana ing Bu Bidan Dewi. Dene Bu Rohdiyah
disusul maneh
dening Juki, diboncengake nganggo kendaraan CB sing biasane dinggo ning
sawah
kae, arepa rupane kuna ananing banget migunani ing wayah kayak ngene
iki. Tumekane
kana Siti langsung di dikongkon turonan ana ing ruang priksa, atine Bu
Rohdian
trap-trapan ora karuan, nyawang anak wedhok siji-sijine kuwi sing katon
pucet
banget. “Istigfar nok, istigfar” kaya mengkono kandhane Bu Rohdian
marang bocah
ayu kuwi. Bu Dewi cekat-ceket njupuk stetoskop
terus mriksa kahanane Siti. Bu Dewi ora mung ping pisan mriksa, loro,
telu
banjur jupuk alat liyane, mondar-mandir kaya wong kang lagi binggung.
Bubar
kuwi Bu Dewi ngendika kanthi alus ”aduh bu... larenipun panjenengan
kedah dipun
rujuk wonten ing griya sakit ingkang langkung ageng bu awit jabang bayi
menika
sungsang...” dhek.. kandhane Bu dewi nggigalke atine Bu Roahdiyah...
“duhh
Gusti kepriye iki?” sambate Bu Rohdiyah ing ati, “duh Gusti keparenga
larenipun
kula dipunparingi waras slamet sak wayahipun kula.” Ora mikir maneh Juki
langsung tak kon golek ambulan, kabeh kalakon kanthi cepet.
Wis
sak untara Bu Rohdian ngenteni Siti dipriksa dening dokter. Sak jam
maneh wayah
lahirane Siti, Bu Rohdiah karo Juki ngenteni karo samar, dene bu Dewi
wis kondur
ana urusan sing ora bisa di tinggalake ature. Sak jam wis kelakon, Siti
wis di
boyong mlebu ing kamar bersalin. Bu Rohdiah karo Juki isih ngenteni ing
lobi rumah sakit karo njaluk marang sing kuasa, Mugaa Siti bisa
kuat
nglakoni kabeh sing wis digarisake dene Gusti Pangeran. Jam loro isuk
wis metu
bayi wadon, sing ayune kaya ibune kanthi operasi cesar. Mak plong
rasane ati Bu Rohdiyah nyawang bocah sing durung
duwe dosa kuwi nangis mbeker-mbeker, sampurna ora cacat alhamdulilah.
Sak kutika kuwi aku sujud marang sing kuasa.’ Duh
gusti maturnuwun kangem sedaya ingkang sampun dipunlimpahaken dening
kula uga
anak kula menika.”
“Juk...
ndang di azani le tulung, wong kowe bocah lanang sing ana ing kene
anggep wae
kowe bapakne jabang bayi iki.” “Inggih bu” ature Juki sopan. Sak wise di
adzani
di adusi, terus di salini jabang bayi mau di gendong dening simbah
wedhoke, Bu
Rohdiah. Terus di cedhakake marang ibune, sing ora liya yaiku Siti. “cah
ayu...
iki anakmu, ayu tenan kaya awakmu, delokna irunge bangir kaya bapakne.”
Guneme
wong wadon kang lagi seneng-senenge ngendong putune iku. “Iya bu”...
alhamdulilah lair sehat. “Mas Jaka wis mbok kandhani apa durung buk?
Jare meh
budhal saka Jakarta wengi iki. “Iya wis bubar tak telepon kok nduk, jare
wis
budhal mau jam sewelas bengi, numpak kreta kira-kira rada awan mengko
tekan.”
Mak
dhat... dumadakan atine bu Rohdiyah sumedhal krungu telepon saka salah
sawijining uwong sing nomere durung tak kenali. “menapa menika
garwanipun Jaka
Sutanta, dusun Rembang Sari RT 05 RW 08 rembang” inggih leres wonten
menapa
nggih? Menika sinten?” kula saking petugas Rumah Sakit Abdi Negara”
“wonten
menapa nggih? Ampun kaget ngiih bu..
Bapak Jaka menika sampun tilar donya?” “Hlo-hlo apa maksute aja guyon
panjengan!” kedah sabar buk menika pawartanipun leres Jaka menika sampur
tilar
donya kala wau, amargi kecelakaan kreta” duh gusti kabeh saya peteng..
Bu
Rohdiyah ora sadar.
Wiyuuu...
wiiyuuu.. wiyuuu.. suara sirine ambulan gawe gegirise atine Bu Rohdian,
uga
Siti. Dene anak sing wis di enten-enteni 5 taun dene bapak lan ibune,
Jaka sing
dadi bapake ora kalakon nyawang, didhisiki patine. Jaka iku bapak sing
tanggung
jawab ing pandelenge Siti. Kepriye ora anggone ngumbara wis limang taun
ana ing
Jakarta, niate arep nyelengi kanggo uripe anak bojone ing kampung. Dene
siti
sing maune melu ana ing Jakarta bali menyang desane amarga kandungane
wis
sangang sasi, karepe ben lairan ana ing omah. Ben ana sing ngopeni,
amarga ana
ing Jakarta Jaka baline kadang bengi, wedi menawa ora bisa ngadepi pas
Siti
arep liran, apa maneh kerjane ketat. Ora bisa sak mangsa-mangsa libur
utawa cuti,
maklum wae kerja melu wong Jepang ora kaya kerja marang awakke dhewe.
Uluh
prating tretes ora mandhek dhek Siti kudu nyawang ragane bojone sing wis
kabuntel mori. “buk... mas Jaka mesem kae buk nyawang aku, cahyane
sumringah
banget buk, bok menawa Gusti sing maha agung wis nganggep amale bojoku
wis
cukup, banjur ninggal sak bocah ayu sing entes wae tak lairake iki.”.
“anakku
bocah ayu, sing tatak atimu nduk... Gusti mesthi paring dalan sing apik,
kowe
sing sabar sing sareh ya nduk” wong sak keloro nangis bebarengan, udah
luh...
sedih.
Langite
katon esih padhang wetara jam telu sore,
Siti wis tatag nyawang bojone banjur njagok mlongo, embuh apa sing
dipikir.
Sore kuwi pemakamane Jaka, wong-wong sadesa padha melu ngiringi kanggo
ngowehi
penghormatan kang pungkasan. Jaka wis di sareake ning kana. Ning alam
sing
bakal di lakoni sak suwene.
“Nduk
reneya, iki anakmu njaluk mbok mimiki susu” iya bu... sik sedela iki
bubar
kirim donga kanggo kang Jaka” saurku karo mesem. Wis setaun anggone mas
Jaka
ninggal Siti karo Tanti. Wengi kuwi Bu Rohdiyah lagi mangku putune karo
di
kudang, dumadakan ana uwong nothok lawang, Siti langsung nekani. “oo..
mas
Juki, hlo kalih bapak ibu to?” dengaren temen padha sesarengan dalu-dalu
menika, mangga-mangga pinarak ngriki” iya nduk bocah ayu” bu Darsih
ibune Jaka
nyauri. “ Ibu ana ing omah ti?” takone Pak Sudi, bapake Jaka. Inggih pak
wonten
griya menika sawek ngudang Tanti mangga ta pinarak rumiyin, kalih kula
damelaken
angetan rumiyin.” Ora let suwe Bu Rohdiyah banjur melu grubug karo
tamune. Siti
ora nyangka ora ngira yen bengi kuwi dheweke di lamar dening Juki, Jaka
sing
ora patiya bagus ananing sopan uga sregep.
Siti
bisa nrima Juki dadi bapakne Tanti nggantekake Mas Jaka, iya mas Jaka
sing wis
dhisik di jaluk sing kuasa. Dene kabeh lelakon sing kaya mengkene iki
pancen
kudu di lakoni. Apak ora gelema saben dina sing di jaluki menawa ana
apa-apa ya
mung Juki kuwi, ya Siti ngerti sak iki Gusti Allah kuwi mesthine duweni
rencana
sing dhewe mung manungsa mung bisa nerima. Dene kabeh sing wis ginaris
kuwi
sing kudu di lakoni, sing paling apik,
sing mberkahi.
Tidak ada komentar:
Posting Komentar